Capcom «Street Fighter» filmining kassadagi startini qayd etdi va franshizani rivojlantirishga tayanmoqda
Capcom investorlariga AQSh haftalik prokatida «Street Fighter» filmi birinchi oʻrinni egallaganidan soʻng ham oʻyin franshizalarini kino va boshqa formatlar orqali rivojlantirishda davom etishini maʼlum qildi.
Yaponiyaning Capcom kompaniyasi 2 noyabr kuni investorlar uchun taqdim etgan hisobotida oʻyin franshizalaridan kino, tadbirlar, merchandising va kibersportda foydalanishni nazarda tutuvchi Single Content Multiple Usage strategiyasini davom ettirishini bildirdi.
2026 yil 16 oktyabrda namoyish etilgan «Street Fighter» filmi AQShda birinchi haftada 38,34 mln dollar daromad olib, haftalik prokatda birinchi oʻrinni egalladi. Shu davrda filmning jahon boʻyicha kassadagi tushumi qariyb 63,54 mln dollarni tashkil etdi.
Filmni targʻib qilish uchun Capcom xalqaro tur oʻtkazdi, Yaponiyada va AQShda premyeralarni tashkil qildi hamda oʻyin loyihalari bilan hamkorliklarni yoʻlga qoʻydi. Shu bilan birga, baholashlarga koʻra, film prokatning ikkinchi haftasida tushumining 72 foizini yoʻqotdi.
Yana oʻqing
4Minute guruhining sobiq aʼzosi Jeon Jiyoon turmushga chiqadi
Odamlar va madaniyat4-noyabr, 19:39
Oʻzbekiston haqidagi nashrlar Garvard universiteti kutubxonasiga topshirildi
Odamlar va madaniyat3-noyabr, 15:08