2027-yilda Qirgʻizistonda 112 ta yangi maktab va 40 ta shifoxona qurish rejalashtirilmoqda
Qirgʻiziston 2027-yilda 112 ta maktab va 40 ta shifoxona qurishni rejalashtirmoqda. Bu haqda Jogorku Kenesh spikeri Marlen Mamataliyev maʼlum qildi. U obyektlar roʻyxatidan ogʻir kasalliklarni davolash va organlarni koʻchirib oʻtkazish amaliyotlarini bajarishga moʻljallangan klinika ham oʻrin olganini aniqlik kiritib aytdi.
Marlen Mamataliyev ijtimoiy infratuzilmani rivojlantirish rejalari haqida Issiqkoʻl viloyati Ton tumanining Kara-Talaa qishlogʻiga tashrifi chogʻida gapirdi. Uning soʻzlariga koʻra, 2027-yilda respublika boʻylab yana 112 ta maktab va 40 ta shifoxona quriladi.
Roʻyxatga ogʻir kasalliklarga chalingan bemorlar uchun zamonaviy klinika ham kiritilgan. Unda organlarni koʻchirib oʻtkazish boʻyicha operatsiyalar ham amalga oshiriladi. Spikerning qoʻshimcha qilishicha, soʻnggi besh yil ichida mamlakatda qariyb 700 ta taʼlim obyekti hamda qariyb 500 ta zavod va fabrika barpo etilgan.
Bundan tashqari, Qirgʻiziston har bir qishloqning oʻziga xos xususiyatlari, tabiiy resurslari va iqtisodiy imkoniyatlarini hisobga olgan holda korxonalarni ishga tushirishni rejalashtirmoqda.
Yana oʻqing
Oʻzbekistondagi davlat koʻmagidagi yirik investitsiya loyihalarida mahalliy elektrotexnika mahsulotlaridan foydalanish majburiy boʻladi
Markaziy Osiyo19:19
Oʻzbekiston jamoatchilik diplomatiyasi GPDNet tarmogʻining toʻlaqonli aʼzosiga aylandi
Markaziy Osiyo16:28