Shavkat Mirziyoyev TDT sammitida hamkorlik boʻyicha yangi choralarni taklif qildi

Ular qatoridan 100 ta investitsiya va sanoat loyihasidan iborat reja, logistika tarmogʻi hamda oʻzaro safarlarni soddalashtirish taklifi oʻrin oldi.

TDTning 13-uchrashuvida soʻzga chiqqan Mirziyoyev tashkilotni ishonch va amaliy sheriklik mexanizmi sifatida rivojlantirishga chaqirdi. U muntazam siyosiy maslahatlashuvlar oʻtkazishni va «TDT plus» formatidan foydalanishni taklif qilib, uchinchi davlatlarni soha vazirlari darajasidagi ishlarga taklif etishni ilgari surdi.

Iqtisodiy tashabbuslar majmuasidan «Turkiy dunyo — 100» dasturi ham oʻrin olgan. Unga, xususan, nodir minerallarni qayta ishlash va yashil energetika uchun uskunalarni mahalliy asosda ishlab chiqarish bilan bogʻliq 100 ta loyihani kiritish rejalashtirilmoqda. Moliyalashtirish manbalari sifatida Turkiy investitsiya fondi va xalqaro moliya institutlari koʻrib chiqilishi mumkin.

Oʻzbekiston tijorat sohasida huquqiy oʻzaro yordam toʻgʻrisida koʻp tomonlama bitim tuzishni hamda soʻrovlar va hujjatlarni yuborish uchun raqamli xizmatni ishga tushirishni taklif qildi. Transport sohasida birgalikda boshqariladigan logistika majmualari tarmogʻini shakllantirish taklif etildi. Turizm yoʻnalishida esa «Turkiy turizm alyansi»ni tuzish, oʻzaro safarlarni yengillashtirish va chegaralarni kesib oʻtishda ID-kartalardan foydalanishni kengaytirish taklif qilindi.

Sammit ishtirokchilari Oʻzbekiston vakili Mirvohid Azimovning tashkilot bosh kotibi lavozimiga nomzodini ilgari surishni qoʻllab-quvvatladi. 2027-yilda TDTning navbatdagi uchrashuvini Oʻzbekistonda oʻtkazish rejalashtirilmoqda.