Nvidia Jensen Huangsiz uddalay oladimi?
Jensen Huangning ikkinchi taxminiy aloqasi haqidagi xabarlar uning Nvidiaʼdan ketishi mumkinligi haqidagi gaplarni kuchaytirdi. B20 sammitida kompaniya usiz ishlay olishi muhokama qilindi.
Bu hafta AQShning Vashington shahrida B20 sammiti ishtirokchilari Jensen Huangning Nvidiaʼdan ehtimoliy ketishini muhokama qildi. Bunga kompaniya rahbarining ikkinchi taxminiy aloqasi haqidagi xabarlar sabab boʻldi. Bu xabarlar uning isteʼfosi ehtimolini yuqoriroq koʻrsatmoqda, deb qayd etadi Fortune.
Muallifning baholashicha, Huangning ketishi Nvidia jamoasi, savdolari, obroʻsi va daromadiga zarba berishi mumkin. Shu fonda aksiyalar narxining tushishi, shuningdek, ehtimoliy jarimalar va sud daʼvolari kompaniya uchun yangi voqelikka aylanishi mumkin. Sammitda boʻlgan Nvidia mijozlaridan biri endi kompaniyasi maʼlumotlari xavfsizligidan xavotirda ekanini aytdi va ishlab chiqaruvchi kompaniya ichidagi vaziyatni «tartibsizlik» deb baholadi.
Muhokama sunʼiy intellekt sanoatiga oid kengroq savollar fonida oʻtdi. Ular qatoriga xavfsizlik xatarlari, intellektual mulkning oʻgʻirlanishi, energiya sarfi, ish oʻrinlarining qisqarishi, investitsiya pufagi va moliyalashtirishning shaffof emasligi kiradi. Sammit ishtirokchilari, shuningdek, aniqroq tartibga solish zarurligi haqida gapirdi.
Fransiyaning Fives muhandislik guruhidan Frederik Sanchez Anthropic kompaniyasining IPO prospektidagi xatarlar boʻlimini ilmiy fantastika bilan qiyosladi. BCGʻdan Rich Lesser sunʼiy intellekt rivojlangan sari talablarni yangilab borishi mumkin boʻlgan, FDA modelidagi regulyatorni koʻrib chiqishni taklif qildi. Ayni paytda Kalshi treyderlari Huang Nvidiaʼni qachon tark etishi mumkinligini baholashga urinmoqda.
Yana oʻqing
Tadqiqotchi CMP 170HX qulfini ochib, A100 darajasidagi karta oldi
Texnologiyalar19:12
Olimlar protsessorlarni tomchilar yordamida sovitish usulini ishlab chiqdi — u haroratni 15 soniyada 17 °C ga pasaytiradi
Texnologiyalar17:48