Nvidia aksiyalari Huang ketganidan keyin tushdi, AMD va Broadcom esa 5 foizdan koʻproqqa oʻsdi
Nvidia aksiyalari 12 noyabr kuni savdolarni Jensen Huangning isteʼfosidan keyin 4,34 foizga pasayish bilan yakunladi. AMD va Broadcom aksiyalari esa mos ravishda 5,9 foiz va 5,5 foizga oʻsdi.
Sessiya yopilishida Nvidia aksiyasining narxi 166,19 dollarni tashkil etdi. Aksiyalar savdolarning dastlabki qismida koʻrilgan yoʻqotishlarning bir qismini qopladi. Reuters keltirgan Vanda Analytics maʼlumotlariga koʻra, chakana investorlar sessiyaning dastlabki yarim soatida Nvidia aksiyalaridan qariyb 111 mln dollarlik xarid qilgan.
Sunʼiy intellekt uchun bulutli hisoblash quvvatlarini taqdim etuvchi kompaniyalar orasida eng sezilarli pasayish Nebius aksiyalarida kuzatildi. Kompaniya 2026-yil uchun tushum prognozini pasaytirganidan soʻng, uning aksiyalari qariyb 17 foizga arzonladi. S&P 500 indeksi kunni taxminan 0,35 foizga pasayish bilan yakunladi.
Nvidia 12 noyabr kuni Huangning ketishini eʼlon qildi. Kompaniyaga vaqtincha moliya direktori Colette Kress rahbarlik qila boshladi. Nvidia navbatdagi choraklik hisobotini 17 noyabr kuni taqdim etishni rejalashtirgan.
